عزيزتى الزوجة ... تخيلى ان جوزك عايش فى بيت اهله وانتى فى بيت أهلك اللحظة دى ؟
تخيلى معايا كده انكم ما عرفتوش بعض ولا فيه خطوبة ولا فيه جواز ولا عيال ولا هم ؟
كان حالك احسن والا دلوقتى احسن ، وهو برضه حاله دلوقتى احسن والا حال وهو مع أهله ؟
احكمى انتى لو كانت اجابتك فى الحالة الاخيرة ايوه حتلاقى انه هو زمان كان قاعد مع اهله ولما بيسافر بيقعد مع صحابه اللي من نفس جنسه ..هو اتجوز عشان يلاقي انثى في البيت
مش شكل انثى وبس ولكن اسلوب و لين بنات وولاد الاصول
جوزك ما سبش حياة العزوبية و الروقان المادي عشان طول الوقت يتبهدل في شغله ويلتزم بإقساط ومصاريف له ولغيره وميلاقيش منك غير الشكوى وعدم التقدير
جوزك مكنش عايش من غير بيت قبل الجواز بس اختارك انتي يعيش بيكي ومعاكي في بيت جديد يحس في بيته انه مرتاح ومستقر نفسيا ومعاه بنت اصول فاهمة وواعية او علي الاقل بتحاول تفهم وتدرك يعني ايه جواز وتفوق من دلع البنات وتفهم يعني ايه راجل تعبان طول اليوم في شغله
الرجالة بتتجوز عشان تلاقي السكن والمودة زيك بالضبط مش عشان يلاقي التكشيرة والخنقة والعند والزعل طول الوقت
هو مش عايش في البيت كمالة عدد ولا بنك فلوس هو عايز يحس براحة في بيته وان البيت مهما كان ضيق واسع بحبك و فهمك له
هو اختار يتجوز عشان يعف نفسه مش عشان تضغطي عليه بالنقطة دي مفيش اسهل من البنات اللي في كل طريق ولكن اختارك انتي وعايز يعيش حلال معاكي انتي
الكلمة الطيبة صدقة وحتي شكوتك لو مقصر لو اتقالت بإسلوب كويس هيلين قلبه قدام احسانك
مخلف اطفال عشان يفرح بحسن تربيتهم ويساعدك تربيهم مش عشان طول الوقت مشغولة عنهم بمين عملت ايه ومين اشتريت ايه
مستعد يدفع كل اللي معاه عشان يشوفك مبسوطة لكن هيبطل عطاء لو شافك طول الوقت ناكرة الجميل وتفهمي ان جنب احتياجاتك حاجات تانية بيعملها لمستقبلكم مش دايما باصص لتحت رجليه
جوزك نعمة وخصوصا لو عارفة انه طيب وبكلمتين حلويين بيصفى
الرسول عليه الصلاة والسلام زي ما وصى وقال استوصوا بالنساء خيرا قال برضة بالإحسان للزوج
حبهُ لزوجاته عشان هما كمان كانوا زوجات بِتحسن مش طول الوقت عايشة عشان تركز في المشاكل
وافتكري دايما ان الجواز مودة ورحمة
ليست هناك تعليقات:
إرسال تعليق