جردل الماء

احيانا نحتاج جردلين من الماء ولو مليت الجردلين مية سخنة بنفس درجة الحرارة بالظبط....

جردل من سخان كهربا..

وجردل من سخان غاز..

تفتكر الاتنين هايبردوا بعد نفس الوقت !!!!!!!!

كنت عايز اسيبك تفكر شوية......

بس مش مهم ...

الإجابة لأ طبعاً..... عارف ليه ؟ الموضوع علمى بحت لأن .....

الجردل اللي فيه مية من سخان الغاز هاتبرد أسرع من المية اللي من سخان الكهربا...

يعني لو جردل الميه اللي من سخان الغاز هايبرد بعد نص ساعة..

جردل الميه اللي من سخان الكهربا هايبرد بعده بفترة..

عارف ليه!!!!!!!

لأن المية اللي من سخان الغاز سخنت عن طريق المرور علي مواسير سخنة جدا..

ودى عملية أسمها sensible heat

انما المية اللي من سخان الكهرباء ...دى مية سخنت علي الهادى وفضلت تسخن علي مهلها لحد ما وصلت لدرجة الغليان.....

ودى عملية أسمها Latent heat

نفس النظرية دى تنطبق علي ناس كتير وعلاقات كتير فى حياتنا ...

ناس بقت اصحاب اواصدقاء في خلال شهور ودول ممكن نسميهم

Sensible Relations

وناس تانية بقوا اصحاب او اصدقاء بعد ما اختبروا بعض وصبروا على بعض كتير جدا ..ودول ممكن نسميهم

Letent Relations

الأتنين اصحاب او احباب او اصدقاء صحيح

العلاقة الاولى هاتبرد وتفشل بعد شهور او سنين لأنها علاقات غاز.

والعلاقة التانية هاتفضل وتستمر مكملة طول العمر لأنه علاقات كهربا .

مش ممكن نساوى بين الاتنين مهما كان الأمر

العلاقات اللي استوت علي نار هادية.. دى علاقات مطولة ومستمرة طول العمر ..

العلاقات التانية بقي علاقات علشان حد بيستفيد من حد او بيستغل حد او عجبه حاجة فى حد وهكذا ..

او علشان الطريق حطهم فى سكة بعض ..

او بالحظ.. ودى مش علاقات أصلا ، ممكن نسميها مصالح مشتركة .

كل ما الواحد بيتعب و يشقى للوصول لعلاقات سوية مع الناس و هو ده الرصيد الحقيقى..... .

اتمنى تكون الفكرة وصلتكم وبانتظار تعليقاتكم ومشاركاتكم

#الاكسلانس #طارق_الجيزاوى